سماحه: مكياجي كمبتدئه

مكياجي كمبتدئه

| تعديل الرسالة

السلام عليكم ورحمة الله وبركاته

شكل جديد لمدونتي

مثل ماكانت دائما نافذه على حياتي

هالنافذه بتفتح لكم على عوالم التجميل / الموضه/الكتب

باختصار كل شي

كبدايه للافتتاح الجديد حبيت اتكلم عن مكياج المبتدئات

وانقل لكم خلاصه تجاربي

بحكم اني لحد الان احكم على نفسي بكوني مبتدئه

علاقتنا مع المكياج او الغالب اكثر البنات العلاقه الفعليه تبدى من المرحلة الجامعيه

نادرا تكون بنت قبل الجامعه تحط مكياج بالشكل المعروف

اللهم قلوس وكحل جوا العين ومسكره شفافه

وهذا الوضع الطبيعي لاتخافون اذا انتي من هالنوع فانتي اوكي

مع دخول الجامعه تبدى ورده الانوثه تتفتح (باستثناء اخواننا فالله ابو معيض وشلتهم)

وتبدى البنت تفكر وتحتار ايش تشتري مكياج وكيف تحطه الخ الخ الخ

حلو البدايات تكون بسيطه

ما انصح تخشي فالعميق من البدايه وتشتري اشياء كمبتدئه ماراح تعرفي تتعاملي معها واحتمال ترميها وتكونين بذلك خسرتي فلوسك عالفاضي

فانا بحط لسته بالشياء الضروريه اللي لازم تكون عندك واللي راح تبرزك بافضل شكل ان شاء الله

هالصوره تجمعهم كلهم

حاولت انها كلها تكون من ماركات معروفه مسهل شرائها والاهم تكون ميزانيتها معقوله

نبدى على بركة الله

1- الاساس

طبعا لازم يكون الوجه فيه نضاره عشان يطلع المكياج جميل

وهالشي نوفره من الاساس

اللي ممكن يكون فاونديشن/ بي بي كريم/تنتد مويسترايزر او واقي شمس مرطب

اختيارنا لاحد هالاشياء محكوم بنوع بشرتنا هل هي دهنيه او جافه او مختلطه /نوع التغطيه اللي نبغاها هل هي خفيفه لمتوسطه وياحبذا كذلك

او متوسطه لكامله والمفروض نبعد عن هالشي بالجامعه

الاختيارات اللي حطيتها والمتوفره عندي واستخدمها هالاثنين

عاليمين اساس بورجوا للبشره الدهنيه لان بشرتي دهنيه

ملاحظه مهمه جدا

لاتشترين الاساس بحسب مدح انسانه لك

فالبشرات تختلف وغير كذا الاندر تون لكل بشره يختلف

اختيارك لفونديشن بحسب مدح ممكن يخليك تشتري شي مو مناسب لبشرتك من ناحية النوع اللون والاندر تون

جربي الفونديشن لفتره كافيه قبل تشتريه

اللي عاليسار بيبي كريم من بودي شوب

عباره عن كريم معالج مرطب فيه نسبه لون تغطيه من متوسطه لخفيفه ومناسب لكل انواع البشرات

وفي بي بي كريم قارنييه ينباع بالدانوب بسعر اقل من مال بودي شوب وعليه مدح كثير من البنات

انا مو متوفر عندي فماصورته

2- الحواجب والعيون

وهذي هي معضله اغلب البنات من حيث ايش نشتري كيف نحطه وياللهول ماذا نفعل

هالصوره تجمعهم كلهم

من اليمين ظل من ريفلون لونه اتوقغ موكا مدري اسبريسو المهم من انواع القهوه ض1

بجنبه ظلال عيون من مكياجي الوان طبيعيه (درجات البني)

جمبهم عقاصه الرموش

بعدين ماسكرا وجل لاينر

وتحت قلمين كحل واحد باللون الاسود والثاني باللون الازرق

ابدى بشرح هالاشياء

1- ظلال ريفلون

انا ولله الحمد والمنه حواجبي طبيعيه يبيلها بس شوي تحديد

واستخدم لها غالبا هالظل مع فرشه مشطوفه (بتكلم عنها شويتين) بامكانكم استخدام بودره خاصه بالحواجب لكن عندي حرامي صغير اخذها مادري وين حطها بتتعرفون عليه فالايام الجايه

2- علبه ظلال مكياجي

هذي صوره لالوانها عالطبيعه

كمبتدئه تحتاجين لون فاتح على عظمه الحاجب

ولون متوسط او مقارب للون بشرتك عالجفن

ولون غامق على الزاويه الخارجيه من العين

وفي ماركات ثانيه بسنتر بوينت او بودي شوب بس هذا اللي عندي وشرحت عليه

وتقدرين تدخلين اليوتيوب وتشوفين دروس وتطبقينها

3- الجل لاينر من ميبلين

هذا الكحل عشقي

لان تركيبته كريميه فهو اسهل بالتحكم من الكحل السايل

تجي معاه هالفرشه او تقدرين تستخدمين الفرشه المشطوفه معاه سواده ممتاز ومايسيح واهم شي تقدرين تستخدمينه حتى جوا العين بدون اي مضاعفات

3-عقاصه الرموش

البعض يشوفونها غير مهمه

اهي وظيفتها عقص الرموش عشان ترتفع اكثر وتوسع العين وبعدها تحطين المسكره

باقي اقلام الكحل نسيت لا اصورها لكن محد تخفى عليه اقلام الكحل ولايش تستخدم

انتهينا من الحواجب والعيون وجا وقت الخدود

البلشر والبرونزر ممكن تستخدمينهم لوحدهم او مع بعض بحيت يكون الالبلشر على عظمة الخد والبرونز تحت العظمه عشان تعطي الوجه تحديد

الوانهم حلوه ومناسبه للنهار واعترف اني احيان اكون مستعجله فاحط البرونز فوق عيني بكاملها مع كحل ملون ويالله اتوكلي

وبعد الخدود يجي وقت الشفايف

وهذي الاشياء اللي استخدمها

عاليمين مرطب شفايف من بودي شوب معه شويتين لون

بجنبه روج من بورجوا لونه خوخي وتحت قلوس ملون

اهو بالاصل لونه نود لكن التاثير غاشكم ض1

وهذي صور للروج وامرطب عالطبيعه0 القلوس سقط سهوا)

بكذا ولله الحمد والمنه انتهينا من المكياج ونجي للقرش اللي لاتقل اهميه عن المكياج

كمبتدئه ماراح تحتاجي فرش كثيره

الطقم اللي المسكه اسود والمقبض خشب من سنتر بوينت ب 50 ريال والاسود من اتش اند ام ب اتوقع 14 هيك شي

نبدى بشرح الفرش

1- الفرشه المشطوفه

هذي اللي استخدمها مع الظلال البني لرسم حواجبي او مع الكحل الكريمي

مثل ماشايفين شعيراتها صناعيه صغيره ونحيفه

2- فرشه الظلال

شعراتها انعم من المشطوفه وقصيره نسبيا نستخدمها عشان نحط الظلال عالعين

3- فرشه زاويه العين

تقريبا مشايهه للمشطوفه لكن بشعرات انعم واطول نستخدمها عشان نحط الظلال الغامق على زاويه العين الخارجيه او تحت العيناو عالتجويف بين الجفن المتحرك وعظمه الحاجب(الكريس او بالعربي كسرة العين)

4- فرشة الدمج