السلام عليكم ورحمة الله وبركاته
رجعت لكم بتدوينه جديده اتكلم فيها عن العطور
كان من المقرر نزولها بوقت اسبق لكن صارت شوية ظروف ادت لتاجيلها
قبل ابدا التدوينه احب انبه على شغله
هذي بعض عطوري مو كلها واللي حاليا قاعده استخدمهم
نعم عندي اكثر ونعم انا استخدمهم كلهم
علاقتي بالعطور علاقه عشق وغرام لاينتهي
اذا رحت السوق لازم اطلع ومعي عطر
مو شرط اكون شاريته لي يا يكون لزوجي او احد من اهلي او احيان كثيره لي
المهم لازم يكون بيدي لمى اطلع من السوق كيس في عطر او اكثر ض1
تنويه
العطور هذي اخترتها لاني احب الخط العطري هذا ولانها مناسبه لريحه جسمي الطبيعيه
ف اللي بيعجبها شي ياريت اول شي تجربه قبل تشتريه
ثانيا لازم تعرفون ايش الخط العطري اللي يستهويكم
عني انا احب روائح الزهور البريه والمسك وتستهويني الروائح الشرقيه والروائح اللي تكون زي البودره
تعجبني الرائحه الحلوه و راحه النظافه بس مو لدرجه كبيره
اكره العطور اللي تكون برائحه الفواكه يستثنى منها الروائح الاقزوتيك او الاستوائيه
ثالثا لازم تعرفون ايش هي رائحه الجسد
رائحه الجسد اهي رائحه مميزه لكل شخص منا
انا ما اقصد الاودر والروائح الكريهه لا
اهي رائحه مميزه للجسم وزي ماتقولون بصمه له
احيان تشم الوحده ريحه عطر على انسانه ويعجبها
لكن بمجرد ماتتعطر به يا ماتعجبها الريحه
او تحس انو مو نفس الريحه اللي شمتها بهذيك الانسانه فيخيب ظنها وتجلس تسب العطر
والسبب مو فالعطر السبب ان رائحه العطر ماتتماشى مع رائحه جسمك وعشان كذا نفرتي منه
بعد المقدمه الخطابيه هذي راح استعرض لكم عطوري ومجموعاتها ونبذه بسيطه عنها
راح ابدى اول شي بالروائح الشرقيه
فوالا
الحين راح ابدى اتكلم عن كل عطر منهم مع التنويه انو عند تصوير المجموعه سقطت عطور سهوا
وكما السنه راح ابدى من اليمين
عطر ريما من جنيد
العطر هذا قنبله ذريه
عباره عن ريحه دهن عود فقط وبدون فقط
احب استخدمه يوم الجمعه او بالعزايم
رائحته قويه فاللي مايحب الروائح القويه يبعد عنه
غير كذا يتمتع بدرجه ثبات عاليه
اللي يبي يهدي احد كبير وعزيز عليه عطر يهديه هذا
(العطر هذا نسائي في منه عطر رجالي اسمه حجر في معه ريحه حمضيات مدري كيف اوصفها لكنها ؤيحه دايم تكون بعطور الرجال)
نواعم من نعومي
بصراحه انا ماكان لي نيه اشتري هالعطر
لكن قامت تتكلم عن عطورهم وجاملتها واخذت تستر
لمى شميته
رجعني لذكريات عطر قديييييييم كان عند امي
لونه ازرق وعليه ذهبي وغطاه على شكل عصفور
ولاني انسانه اتعلق بالذكريات اشتريته لكنه للاسف ما يتمتع بتركيز وثبات العطر القديم
عطر كريستال
اسم الشركه المصنعه ما اعرفه للاسف
هذا العطر ريحته مخلط شرقي
الريحه الاوليه اللي اشمها فيه اهيا ريحه مويه الورد مع نسبه زعفران
ومثل عطر ريم ريحته مره مره نفاثه
اذا برد واذا تبخرت معاه ببخور تصير ريحته من اروع مايكون
اقول كذا لان الناس اذا شموه يسالوني عنه
لكن اذا اعطيتهم العلبه مايجوز لهم
بسبب تركيز رائحته الاوليه
اللي بيشتريه لاتكون قاسي معاه
خليه يبرد شويه
جرب تخلطه مع ريحه البخور
واهم شي تمتع
مخلط ريما من الماجد
اذا سمعت كلمة مخلط شرقي يطرى على بالي هذا العطر
مخلط شرقي بكل ماتعنيه الكلمه من معنى
هالعطر مع دهن عود كمبودي مع بخور ثلاثي قاتل (قلوب قلوب)
عطر برائحه المسك من شركه افون
العطر هذا نسخه مقاربه لعطر جيوفاني
عطر الطفوله الجميل
ريحته مسك لكن مو الريحه القويه الحارقه لا
ريحه مسك بارده
احب ارشه بعد الشاور يعطيني ريحه انتعاش
غير كذا اخليه قاعده لمى ابغى اخلط روائح العطور
(ملاحظه كبر راسي- مو اي عطر ينخلط ومو اي رائحه تنسجم مع الثانيه الخلط بين روائح معينه ان شاء الله اكتب لكم بعدين عنها)
واشكر الاخت (مس قدها وقدود)من منتديات شامواه على تعليمي لطريقة خلط العطور وايش هي الوائح اللي يصلح انها تنخلط واللي ما يصلح لها الخلط
عطر ارابيان نايت
عطر غني التعريف
مزيج روائح شرقيه لكن على عكس العطور اللي تكلمت عنها قبل ريحته تتميز بالثبات لكنها بارده
مو نفاثه زي العطور السابقه
اميثست من لاليك
هالعطر واه من هالعطر
ريحته شي خيالي
مسل على بخور على زهور شي عجيب
اتذكر اني رحت لمحل وجلست اشم العطور وشيل وحط انا وياه لحد ماطلعه
من عقبها
بدت قصه الغرام
العطر هذا مع انه شرقي لكنه سهل ممتنع
يصلح احطه بالنهار او الليل
بالصيف او الشتا
ولا اذكر اني مره استخدمته من دون مايسالوني الناس عنه
لدرجه انه صار اهو وعطور ثانيه يعرفون باسم عطور سماح احم احم
بلاك دي انسنس
هذا العطر مع انه رجالي الا اني حبيته
ريحته مقاربه لريحه عطر كلمات من العربيه
لكني اميل لهالعطر اكثر
وارجو انو ماتفهمو كلامي هذا كتحريض لكن ريحته مخلوطه مع ريحة الزقاير شي يسطل
هالعطرين هم اللي قلت لكم انهم سقطو سهوا
الاول من جنيد والثاني اسمه غيد من اجمل
هالعطرين استخدمهم بالبيت روائحهم حلوه
الاول يذكرني بريحة خالتي ام غانم والثاني يذكرني بريحة خالتي ساره
انتهينا بكذا من العطور الشرقيه وننتقل للعطور الزهريه
لو تلاحظون كررت عطر امبثست لانو فيه روائح زهريه
نبدى من ورى
عطر كينزو
واه ياعطر كنزو
هالعطر اليم
ريحته بودره على ازهار مع لمسه مسك
ريحته تخليني اتخيل البراءه
ادري تضحكون علي لكن لمى اشم هالعطر على طول تطرى ببالي براءه الطفوله او البراءه بشكل عام
عطر من زارا
نعم انا البنت اللي تدخل زارا وماتشتري ملابس
بدايه تعرفي على هالعطر مع وحده من بنات الكليه
لما سالتها عنه جابت لي واحد حبيلها
ومن يومها وقعت بغرامه
ريحته زهور يغلب عليها الفل
لكن ريحه هاديه مثل جيفنشي او ديموزيل
غير كذا معاه ريحه جوز هند او انا احس كذا
ثباته حلو وسعره ممتاز اتوقع ب 99 ريال
عطر بنفسج من جنيد
ريحته عباره عن بنفسج وشويه مسك
رقيق وبارد وريحته تناسب النهار
وكمان ثباته حلو واذذا برد وخفت ريحته يترك اثر جميل
ايديل من غيرلان
العطر هذا نهاري وينفع احيانا ليلي جميل
ريحته زهور على بودره
مايحتاج اقول انو ثابت لان هذا شي معروف بعطور قيرلان
فلورا من قوتشي
ثابت فواح وريحته زهور بريه
فيه ريحة حلاوه خفيفه
فيرزاتشي الكريستاله
انا حبيت هذا عالكريستاله السوداء
لان هذا ريحته اخف
وانا كنت ادور عن عطر نهاري
لاني احس هذاك ينفع للسهرات الليليه او لفصل الشتا
باقي هذا العطر
محظوظه اللي تلقاه
هذا العطر استخدمته يوم الشبكه
كنت شاريته من فتره وما استخدمته
وبعدها بكم يوم كان زوجي يكلمني وقال ريحة عطرك ذاك اليوم عجيبه للحين براسي
طبعا مايحتاج اقول ان ابتسامتي وقتها كانت اطول من سور الصين العظيم
ولمى صار العطر بنصه رحت لجنيد وقالو انقطع
صار فلم هندي لاداعي لشرحه
وكل مارحت السوق اسالهم اذا موجود او لا
والظاهر انو من كثر ما اسالم البايع جاته جلطه لانه تغير
ومع انه خلص لكن يعز علي ارميه\ جنيد رجعوه ارجوكم
ابشركم بكذا انتهينا من العطور الزهريه وجينا للعطور اللي برائحه الفواكه
وزي ماتشوفون مجرد عطرين بس
لاني ما افضل هالروائح ولان مو كل روائح الفواكه تشدني
انا احب الروائح الاستوائيه ولا اطيق الروائح المستهلكه اللي اهيا الفراوله والتوت بانواعه والكرز
اسكادا سنسيت
عطر جميل
ريحته فواكه استوائيه منعشه
كعادتها اسكادا نجحت بهالعطر
عطر ليلي من مجموعه استحمام من نكتار
العطر هذا فيه نسبه توت
اعترف بهذا
لكن في بعد ريحه بخلفيته زهريه حلوه وهي اللي شدتني له
حلصنا من العطور والحين بتكلم عن نقطه مهمه
طريقه حفظنا للعطور
لاني دايم اسمع عطري تغيرت ريحته \ نقص منه
وهذا مره لعاملين
اولا اننا نصفهم عالكمدينه زي الاثاث
وهذا غلط
لان النور يؤثر عالعطر وريحته
ومو شرط يكون نور شمس لا حتى الانارات \ ولكم الان ان تتفهمو معاناتي بتصوير هالتدوينه
ثانيا اننا نحفظها بمكان حار
زي بعض الشباب اللي يترك العطر بالسياره
او حتى البنات اللي تحطه باي مكان وبس
العطر يفضل ما ترمي الغطا وتسكره زين
تحتفظ فيه بعلبته
او اذا ما حصل خليه باحد الدروج شرط انه يكون المكان مطلم وجاف وبارد
وبكذا اكون خلصت تدوينتي بحمد الله ومنته
اي خطا او تقصير اعتذر منكم عنه
اتقبل اسئلتكم على الاسك اسالني سؤالا
اوعلى التويتر @SAMA7H
اذا حابيني اتكلم عن خلط العطور اكتبولي بالتعليقات تحت
وبالختام
سبحانك اللهم وبحمدك
اشهد ان لا اله الا انت
استغفرك واتوب اليك
:/ سوري بنات دوبي تركز
ردحذفعطر جنيد اسمه لمار مو ريما
عنجي صديقات توأم هدي اسماءهم وتخربطت
اكرر لكم اسفي
انا ما بحب العطور الشرقية غرامي الفرنسية وخاصة عطر سينما سيلين ديون جادور فنتازيا نينا ريتشي اسكادا جيفنشي كارولينا هريرا وكتير عطور تانية اعتقد انها مميزة اكتر من الشرقية
ردحذفمو كل عطوري شرقيه
حذفاغلبها فرنسي فيه نوتات شرقيه
وشكرا على مشاركتك
ارجو مساعدتي للحصول علي عطر زيتي باسم ختام
ردحذففيه في عبد الصمد القرشي تولة اسمها مسك الختام
حذفزي ما قالت الحبوبه
حذففي عند عبد الصمد القرشي واسمه مسك الختام
عطور روعه ومجربها نصها يسلمووووو كثير
ردحذفالعفو ياسكره
حذفشي جميل معناته خطنا العطري يتقارب
السلام عليكم وش اسم العطر اللي من جنيد وانقطع
ردحذفاسمه خيام
حذفدورت دورت مالقيته
محظوطه اذا بتلقينه
معلش ما فهمت اش معنى (خطي العطري)
ردحذفالاخ ابراهيم المعروف بخبير العطور في تويتر شرح الموضوع بشكل اعمق ومفصل بما انه اكثر خبرة مني
حذفهو بشكل مبسط نوعية روائح العطور اللي تفضلينها اكثر من غيرها وتتناسب مع ريحة جسمك الطبيعية ولما تتفاعل معاه تعطي ريحة مميزة خاصك فيك ويعرفونك الناس بها
لوسمحتي سموحه بليزبليييييز من وين شريتي عطر كريستال اﻻحم تكفين ردي
ردحذفلوسمحتي سموحه بليزبليييييز من وين شريتي عطر كريستال اﻻحم تكفين ردي
ردحذفهذا مو الاحمر هذا البني
ردحذفالاحمر بالتدوينة الثانية مالت عطورات الصيف
وكلهم اخذتهم من حديقة العطور اذا انت بالخرج
اذا مو من الخرج ممكن تلقينه عند المصباح او مي للعطور او محلات التجميل اللي زي كذا
تسسسلمين ياعسل ياليت تكتبين عن طرق خلط،العطور وجزااااك الله خير
ردحذفالسلام عليكم...الله يسعدك ..ياليت تكتبين عن طريقة خلط العطور
ردحذفاهلين ادري اني جاي متأخر بس عطر وقعت بغرامه والى يومك ادوره اللي هو بلاك دي انسنس وين احصله فريت الرياض كلها وما لقيته
ردحذفbitlis
ردحذفkastamonu
çorum
van
sakarya
ED7
ankara parça eşya taşıma
ردحذفtakipçi satın al
antalya rent a car
antalya rent a car
ankara parça eşya taşıma
JSEF
ankara parça eşya taşıma
ردحذفtakipçi satın al
antalya rent a car
antalya rent a car
ankara parça eşya taşıma
Y1S
B6B98
ردحذفAdıyaman Evden Eve Nakliyat
Şırnak Parça Eşya Taşıma
Muğla Parça Eşya Taşıma
Bitlis Evden Eve Nakliyat
Bursa Parça Eşya Taşıma
2BDAD
ردحذفEryaman Fayans Ustası
Hatay Lojistik
Sinop Evden Eve Nakliyat
Afyon Şehirler Arası Nakliyat
Gümüşhane Lojistik
Çankaya Parke Ustası
Amasya Evden Eve Nakliyat
Denizli Lojistik
Diyarbakır Şehirler Arası Nakliyat
7B829
ردحذفistanbul sesli sohbet siteleri
sohbet chat
Bursa Sohbet Uygulamaları
erzincan kadınlarla ücretsiz sohbet
Amasya Parasız Görüntülü Sohbet Uygulamaları
agri bedava görüntülü sohbet
urfa nanytoo sohbet
ordu en iyi görüntülü sohbet uygulaması
malatya canlı sohbet odası
A99BE
ردحذفKripto Para Kazma Siteleri
Big Wolf Coin Hangi Borsada
Kwai Takipçi Hilesi
Görüntülü Sohbet Parasız
Coin Kazma Siteleri
Bitcoin Madenciliği Nasıl Yapılır
Instagram Beğeni Hilesi
Twitch Takipçi Satın Al
Mexc Borsası Kimin