السلام عليكم ورحمة الله وبركاته
رحلتي لمحل الهديه المميزه
المحل اللي عذب قلوب العذارى وانا اولهم
بداية تعرفي عالمحل من رمضان من وحده بلستتي بتويتر سوت ريتويت للمحل
شي شي خيالي
اولا المحل مخصص لبيع الاكسسوارات بكافة اشكالها وتغليف الهدايا وللحفلات والكاندي
موقعه بحي الورود شارع سلطان بن سلمان بجانب ملاهي الخيمه ومشغل الدراعه
حسابهم على تويتر
وحسابهم عالانستقرام
uniquegifts2010
ماكتب لي زياره المحل الا قبل اسبوعين
كنت اتابع منتجاتهم عالانستقرام والعروض على تويتر وانوي الزياره بس ما يكتبها ربي
قبل اسبوعين عقدت العزم ورحت
ومن الذكاء العاطفي اروح على الساعه عشر
ف ما اخذ راحتي ولا امخمخ بالتصوير
والقهر انه لليوم التالي لزيارتي يجيبون بضاعه جديده واذا رحت تكون مخلصه وسرى الليل وحنا ماسرينا
امس كانت زيارتي الثانيه فالوقت بدل الضايع
واخذت كم صوره عالسريع لما كان العامل يحاسب لي على اغراضي
ولجهه وحده بس
هذي الطاوله مالت المحاسب اعجبتني طريقه التغليف بالجرايد
المحل صغير لكن ماشاء الله مستغلين المساحه بشكل جميل
هذي وحده من الرفوف وعليها البضاعه
وهذي باقي الاغراض
طاولة المحاسب والاغراض اللي عليها
وعلى يمين المحاسب المكان اللي اسر لبي
لصقات مغناطيسيه
لما شفتها كاني طفل بمحل الحلويات لكن للاسف ما اشتريت منها
خلصت صور المحل لمزيد من الصور زورو صفحتهم عالانستقرام او الفيس بوك
نجي الحين لمشترياتي ن المحل في كل المرتين
صوره عامه لهم والبعض ماظهر بالصوره
ملاحظه الدانبو خاش عرض
الكوب الجميل هذا
شفته بالمحل وماقدرت اخليه ف اخذته يكمل مجموعه اكوابي الجميله
وصار وقت الشاي الحين اكثر متعه
للامانه العلميه انا ما كنت ابي هذا كان في واحد ثاني الخلفيه بيضا ونقشته ورود ولما رحت المحل مالقيته ماكان في الا هذا واشتريته
حفظه للحراره متوسط وبالنسبه لي جيد جدا
هذي محفظه اهي تنثني من النصف وكل نصف مستقل بذاته
احس حلوه اذا شنطه مكياج تحطين منتجات الشفايف بجهه والعيون بجهه او اي شي
انا باحط فيها اقلامي وبالجهه الثانيه الشاحن والسماعه بما ان عندي شنطة مكياج
غطا للعيون
اضاءة الشارع مزعجه وانا ما احب اغطي وجهي فاشتريتها
نوته مكتوب عليها سمايل وفيس مبتسم
انا عندي هوس تجميع نوتات وبما انو مكتوب عليها ابتسم خليتها اكتب فيها اقتباسات سعيده او كلام مفرح انقال لي او احداث مبهجه شفتها او صارت لي
هذي فواصل كتب
اهي مغناطيسيه زي جلده الكتاب
كذا تستخدم
شي كيوت
ولاني احب اقرا عندي هوس بفواصل الكتب
اللوح هذا يتعلق
استخدمه للمهام الاسبوع اللي ابيها تنجز \ علقته عالثلاجه عشان يكون قدامي وما انسى شي
بيبي قيرل بوك
كتاب جميل يتكلم عن البنات واقتباسات عن البنات وقد ايش هم حلوين
شفته ولاني احب البنات اشتريته عشان يكون هديه مني لبنتي اذا ربي رزقني
كان في للاولاد اتوقع وللاخوات ما انتبهت
هذا الكتاب من جوا
الشي الموجود عالكتاب
فاصل كتاب
احب الفنتج وشكله غريب غير عن فواصل الكتب اللي عندي
تعليقه جوال
ما اتوقع استخدامها الصحيح يمكن اعدلها واخليها فاصل او اخطها بالميداليه
وبما ان الشيء بالشيء يذكر
مفاتيحي الحلوه
لما شفت الكابز عندهم اشتريتها
الحين صرت اعرف المفتاح اللي بايدي لايش من الكاب اللي عليه
غير كذا مفاتيحي الحين صارت كشخه
الجزء الثاني من مداليتي
تعليقة المفتاح
غير كذا اهي فتاحه علب
تقييمي للمحل
ممتاز واعطيه خمس نجوم
اسعاره متفاوته
مساحته صغيره لكن مستغلينها احسن استغلال
شي نسيت اذكره بالتدويه
نادرا مايكررون القطع ف بكدا الكل يتمتع بالحصريه
كانت هذي تدوينتي لليوم
اعتذر عن اي قصور او خطا
كثرت عليكم بالكلام والصور بس كنت ابي اوريكم كل الاشياء
طرق التواصل مع المحل موجوده بصفحاتهم عالتويتتر والانستقرام
وختاما
سبحانك اللهم وبحمدك اشهد ان لا اله الا انت استغفرك واتوب اليك
مشالله تحمست أروح ههههه أشوف اشيائهم بس للحين ماعزمت اروح مرره عجبني الكوب والكابز حقت المفاتيح كيووت مرره ❤❤ تتهنين حبيبتي :)
ردحذفالله يهنيك بحياتك
حذفانصحك روحي له ماراح تندمين
حاليا اشيائهم الرمضانيه روعه
مدونة جميلة ❤
ردحذفالله ييسلمك مشكوره
حذفwhatsapp görüntülü show
ردحذفücretli.show
LZES4